Një ngjarje rëndë ka ndodhur mesditën e sotme në qytetin e Vlorës, ku një kamarier 18-vjeçar u dhunua gjatë orarit të punës me grushte nga një oficer policie.
Shkaqet e sherrit që përfunduan në dhunë fizike, ishin banale.
Pasi ngjarja u publiku në media, pati reagime të shumta, një prej të cilave është ajo e mësueses kujdestare së 18-vjeçarit të dhunuar.
Vali Veshaj, mësuese e të riut, shprehet se 18-vjeçari ishte nxënës i shkëlqyer dhe se punonte për të siguruar shpenzimet e maturës.
“Djali është nxënësi që sapo ka mbaruar klasën e njëmbëdhjetë dhe është me dhjeta. Është me një sjellje model dhe ka pjekurinë dhe kulturën që i mungon personit përballë. Është djalë i mrekullueshëm dhe po punon për shpenzimet e maturës. Unë që po ju shkruaj jam mësuesja kujdestare e tij. Shteti të marrë masa se kjo është rinia e cila nuk e gjen veten askund”, shprehej ajo.
Mbi rastin ka reaguar dhe kryeministri Edi Rama, i cili ka kërkuar që autori të dalë përpara drejtësisë.
Leave a Reply