Një ngjarje e rëndë ka ndodhur paraditen e sotme në lagjen nr. 4 të Sarandës, në afërsi të stadiumit të qytetit, ku janë dëgjuar të shtëna me armë zjarri.
Si pasojë e të shtënave, dy persona kanë mbetur të plagosur dhe janë dërguar me urgjencë në spital. Bëhet fjalë për Gëzim Hoxhaj 32-vjeç dhe Ernest Lamaj 24-vjeç.
Pas ngjarjes, të plagosurit janë dërguar në spitalin e Sarandës, por për shkak të gjendjes së tyre shëndetësore pritet të nisen me urgjencë drejt Spitalit të Traumës.
Ngjarja ka tronditur të pranishmit që ishin aty pranë. Një dëshmitar i tha JOQ Albania: “Plasi arma n Sarande. Te rrethi stariumit 2 te plagos rende. Para 15 minutash u terrorizuan njerzit kishte te huaj neper restorante e lokale.”
Në vendngjarje ndodhen forca të shumta policie, të cilat kanë rrethuar zonën dhe kanë nisur hetimet paraprake për të zbuluar shkaqet dhe autorët e sulmit.
Njoftimi i policisë:
Sarandë/Informacion paraprak. Sot, rreth orës 15:00, në lagjen nr. 4, Sarandë, në rrethana ende të paqarta, dyshohet se janë plagosur me armë zjarri shtetasit G. H., 32 vjeç dhe E. L., 24 vjeç, të cilët pas ndihmës së parë mjekësore në spitalin e Sarandës, do të dërgohen drejt spitalit të Traumës, Tiranë, për mjekim të specializuar.
Grupi hetimor, nën drejtimin e Prokurorisë Sarandë, po vijon punën për identifikimin e autorit, zbardhjen e e rrethanave dhe dokumentimin e plotë ligjor të kësaj ngjarjeje.
Leave a Reply