Para zhvendosjes në Selitë, ky grup mafioz e ka pasur aktivitetin te kullat “Delijorgji”, ku kanë shtëpitë e lokalet 30 drejtues policie, 63 prokurorë e 57 gjykatës; ndërsa më 18 tetor 2022 dhe me 3 mars 2023, Xhulio Malaj është arrestuar e liruar në fshehtësi të plotë, arrest për të cilin dihet motivi për 70 milionë Euro vjedhje me mashtrim të shtetasve gjermanë, spanjollë e holandezë, ndërsa arsyet e lirimit dhe mos precedimit penal, i di policia e SPAK…
Një rrjet kriminal i paprekshëm, me maskë aktiviteti ‘Call-Center’, kanë krijuar dy vëllezërit vlonjatë Xhulio e Flladi Malaj, djemtë e Selam Malajt, të cilët deri në muajin shtator 2014 ishin operatorë në kompaninë Call-Center “Intercom Data Service Sh.p.k” të një deputeti “blu”.
Në janar 2015, krijuan rrjetin e tyre ilegal Call-Center dhe zhvilluan aktivitet me 13 pika në Tiranë, 5 pika në Vlorë e 5 pika në Fier, të pa regjistruara në Qendrën Kombëtare të Biznesit dhe të padeklaruara në Tatime, por të lejuara prej tyre e prej policisë, ngaqë kanë lidhje me kupolën e qeverisë dhe paguajnë ryshfete të majme.
Për të pasur edhe mburojë e justifikim ligjor, dy vëllezërit Xhulio e Flladi Malaj, gjatë vitit 2019 krijuan 6 kompani online për oferta, konsulencë e asistence biznesesh, depozitash e investimesh financiare dhe kontakti brenda e jashtë Shqipërisë, nëpërmjet komunikimit e menaxhimit tregtar, të cilat në fakt ishin e janë rrjet mashtrues Forex.
Të 6 kompanitë u krijuan nga Flladi Malaj: katër janë 100% në pronësi të tij e 2 me ortakë; por “de facto” të administruara bashkë me vëllain Xhulio Malaj, mbasi ky nuk dëshiron të jetë person publik në aktivitete Call-Center, ngaqë është me disa raste precedentësh penalë me këtë lloj aktiviteti e krime të tjera në Vlorë, Sarandë, Fier, Tiranë, Durrës.
– Më 14 maj 2019, vëllezërit Xhulio e Flladi Malaj, krijuan firmën “Albreeze” 100% në pronësi të Flladi Malaj, me aktivitet Call-Center në adresën “Rruga Prokop Mima”, ndërtesa Nr. 107/49 në Selitë-Tiranë; dhe në adresën: Pallati “Vaso”, Shkalla 2, Apartamenti 21, Uji i Ftohtë-Vlorë.
– Më 8 gusht 2019, krijuan firmën “ACME Studio Sh,p.k” me 80% pronësi Flladi Malaj e 20% pronësi Xhorxh Xhani, me aktivitet Call Center në adresën: Rruga “Komuna e Parisit”, numër ndërtese 8/422; dhe te rruga “Hasan Alla”, përballë pallatit “Pajton” në Selitë-Tiranë.
– Më 30 shtator 2019, krijuan firmën “Casa Mokador”, që më pas i ndryshuan emrin në “Eden Breeze”, “Mokador by Momentum” e së fundi “Momentum Group” 100% në pronësi të Flladi Malaj, me aktivitet Call-Center në këto adresa në Tiranë: Rruga “Prokop Mima”, në Selitë, Rruga” Ndrek Luca”-Pallati Hawai dhe Rruga” Ibrahim Rugova” ndërtesa Nr. 9.
– Më 23 tetor 2019, krijuan firmën “Info Tirana Sh.p.k” me 50% ortakëri Flladi Malaj e 50% pronësi një tip me emrin Taulant Ahmetaj nga Fieri, dhe aktivitet Call-Center në adresën: Njësia Nr. 5, Rruga “Muhamet Gjollesha”, godina Moskat, Hyrja 8-Tiranë.
– Më 18 mars 2020, krijuan firmën “Dekript Media Group” 100% në pronësi të Flladi Malaj, me aktivitet Call-Center në adresën Tiranë, Rruga “Prokop Mima”, Pallati “Casa Mokador”.
– Më 15 qershor 2020, krijuan firmën “Akademia Profesionale M&G” 100% në pronësi të Flladi Malaj, me aktivitet përgatitje specialistësh për komunikim telefonik, kompjuterik e menaxherial on-line, me aktivitet faktik Call-Center në adresën “Rruga e Zallit” Selitë-Tiranë.
Më këto 6 firma Call-Center, vëllezërit Xhulio e Flladi Malaj, duke përdorur punonjës operatorë telefonik e kompjuterik, kanë mashtruar qindra qytetarë e biznesmenë të vendeve të BE, duke u zhvatur miliona Euro nëpërmjet platformave Forex, BrokerZ, Globalix, Bitcoin etj.
Policia dhe Tatimet, e dinë që në zonën e Farkë-Selitës në Tiranë, kryen aktivitet mashtrimi me disa salla Call-Center me licencë, por pa bilance tatimore prej 4 vitesh, rrjeti kriminal i 6 firmave të vëllezërve Xhulio e Flladi Malaj, të cilët kanë si bazë lokalin e tyre “Casa Mokador” te Komuna e Parisit në Tiranë.
Sipas informacionit që “Pamfleti” ka marrë nga tatimet, rezulton se 6 kompanitë mashtruese Call-Center, me të cilat vëllezërit Xhulio e Flladi Malaj, zhvasin miliona Euro nëpërmjet mashtrimit me “Forex”, nuk kanë asnjë bilanc, por maskohen në bilancet e Bar-Kafe “Casa Mokador”, të regjistruar si “Person fizik”.
Leave a Reply