Ky është Petrit Çakrri, personi nga Tropoja që skuadra operacionale e lokalizoi dhe arrestoi mbrëmjen e djeshme në zonën e Lekbibaj.
Petrit Çakrri, është zbuluar falë një verifikimi që ka kryer policia e Dibrës, lidhur me marrjen me qera të dy automjeteve tip “Range-Rover” dhe “Honday Santa”, mjete këto që u përdorën nga 3 vëllezërit Bushgjokaj dhe Petrit Çakrri për rrëmbimin dhe mbytjen me litar të 23-vjeçarit, Renis Dobra.
Ende nuk dihet e plotë dinamika e krimit, por Çakrri së bashku me Fation Bushgjokaj tashmë janë arrestuar. Ndërsa në kërkim vijojnë të jenë dy vëllezërit, Aleksandër dhe Kristi Bushgjokaj.
Shkak i vrasjes së Dobras, mësohet të jetë bërë tregtia e kokainës në Gjermani, shtet në të cilin viktima Renis Dobra ishte arrestuar dhe dënuar nga drejtësia e këtij vendi.
Informacionet e mbledhura nga policia e Dibrës, flasin se Renis Dobra, pak vite më parë kishte shërbyer si tregtar droge në Gjermani, për llogari të grupit kriminal që drejtohej nga 3 vëllezërit Bushgjokaj nga Tropoja.
Disa herë i riu nuk ka dorëzuar sasinë e eurove të fituara nga shitja e kokainës, duke argumentuar para vëllezërve Bushgjokaj, se drogën e kishte hedhur në rrugë, ujë apo liqen, për arsye se po e ndiqte policia.
Por për mosdorëzimin e eurove, vëllezërit Bushgjokaj kanë dyshuar se Renis Dobra, i ka mashtruar dhe vjedhur shumat financiare. Ndaj në shenjë hakmarrje ata kanë vendosur ta vrasin.
Leave a Reply