Tre orë pas ngjarjes së rëndë të ndodhur mesditën e sotme, ekipi i polumbarëve të RENEA-s ka gjetur trupin e peshkatarit që u mbyt ujërat e lumit Mat pranë fshatit Berzane të Lezhës.
Polumbarët e RENEA-s kanë bërë të mundur gjetjen dhe nxjerrjen nga uji të trupit të pajetë të 68-vjeçarit.
Peshkatari u denoncua i zhdukur nga shoku i tij rreth orës 13:40.
Dyshohet se ai ishte futur në ujë në afërsi të Urës së Zogut për të hedhur rrjetat e peshkimit dhe nuk ishte rikthyer më në sipërfaqe.
Njoftimi i policisë:
Në vijim të informacionit paraprak për ngjarjen e ndodhur në lumin Mat, ju informojmë se:
Polumbarët e Njësisë Speciale RENEA kanë bërë të mundur gjetjen dhe nxjerrjen nga uji të trupit të pajetë të shtetasit D. Q., 68 vjeç.
Grupi hetimor vijon punën për dokumentimin e plotë të rrethanave të kësaj ngjarjeje.
Leave a Reply