Një tjetër aksident tragjik ka ndodhur në zonë e Peshkopisë, pas atij në Qafë-Buall, ku humbën jetën dy persona. Aksidenti u regjistrua këtë të martë në aksin rrugor Peshkopi–Luzni, ku një automjet ka dalë nga rruga, duke lënë të plagosur një çift bashkëshortësh.
Ngjarja ndodhi në një prej kthesave të rrugës rurale, ku për shkaqe ende të paqarta drejtuesi i mjetit ka humbur kontrollin. Për pasojë, makina ka përfunduar jashtë rruge dhe ka shkaktuar plagosjen e dy personave.
Gruaja, Arta Çera, u transportua me helikopter drejt Spitalit të Traumës në Tiranë, por pavarësisht ndërhyrjes së mjekëve, ajo nuk mundi t’u mbijetojë plagëve. Ndërsa bashkëshorti i saj ka pësuar lëndime më të lehta dhe po trajtohet në spitalin e Peshkopisë.
Leave a Reply