Prokuroria e Shkodrës zbulon pse nuk u regjistrua procedimi penal për ndërtimin në Theth…
Agravon konflikti mes kryeministrit Edi Rama dhe sistemit të drejtësisë.
Kreu i qeverisë sulmoi sot prokuroren e Shkodrës, Elsa Gjeli, e cila sipas tij, ka favorizuar autorët e masakrës në Theth.
Në kuadër të aksionit për zbulimin e hapësirave publike, Rama denoncoi rastin e Thethit, ku janë ndërtuar dhjetëra kabina në shkelje me ligjin dhe prokurorja ka refuzuar të regjistrojë procedim penal për personin që i ka ndërtuar.
“Duke qenë se kërkova të kuptoj më shumë, u ndesha me një vendim të një prokuroreje, zonja Gjeli, që më la pa fjalë. E ndava vendimin me disa të tjerë për të kuptuar se çfarë nuk arrija dot të kuptoja, por edhe reagimi i të tjerëve ishte pa fjalë. Dhe po ju lexoj se si arsyeton zonja Gjeli, prokurore nga trupa e shumë mirëpaguar me taksat e shqiptarëve, e cila presupozohet se duhet t’i mbrojë pasuritë e përbashkëta të këtij populli, thesaret e këtij vendi, nga individë si ai që ka plagosur Thethin, në cenim total të çdo lloj norme të bashkëjetesës në këtë vend dhe shkelje flagrante të një sërë ligjesh pasi është zonë e mbrojtur”, u shpreh kryeministri.
Por pak më parë ka reaguar Prokuroria e Shkodrës, e cila rrëzon pretendimet e kryeministrit. Sipas organit të akuzës, vendimi i prokurores Gjeli ka qenë në përputhje me ligjin.
“Në rastin konkret, nga vlerësimi i plotë i fakteve dhe akteve procedurale, u konstatua se faktet e referuar nga policia e shtetit nuk përbëjnë ndërtim të paligjshëm në kuptim të nenit 199/a të Kodit Penal, për arsyen se:
-Strukturat e konstatuara dhe që janë referuar nga policia kanë qënë kontenjerë të përkohshëm pa themele, të vendosura mbi pllaka guri, dhe si të tilla nuk përmbushin kriteret për të konsideruar objekt ndërtimi sipas standardeve të përcaktuara në ligjin nr. 107/2014 “Për planifikimin dhe zhvillimin e territorit”, i ndryshuar.
Leave a Reply