SPAK ka marrë të pandehur deputeten e PS, Klotilda Bushka, në lidhje me hetimet për dosjen ndaj Erion Veliajt.
Mësohet se Klotilda Bushka akuzohet për veprime që pengojnë zbulimin e së vërtetës.
SPAK njoftoi disa muaj më parë se po kryente hetime ndaj deputetes së PS, Klotilda Bushka, pikërisht për këtë çështje.
Kryetarja e Komisionit Parlamentar të Ligjeve dhe njeherësh deputetja e Partisë Socialiste Klotilda Bushka është paraqitur pak kohë më parë në SPAK.
Si pengoi Klotilda Bushka drejtësinë:
Ina Goxhaj, ish-drejtoresha e kompanisë BYL-A, e cila pronar faktik kishte Ajola Xoxën, rezulton të jetë kushërira e Klotilda Bushkës.
Pas njoftimit për t’u paraqitur në SPAK, Ina Goxhaj zhvilloi disa takime me Klotilda BushKën dhe Ajola Xoxën. Sipas SPAK, Bushka i mësonte se në Prokurori, Goxhaj duhet të thoshte se ishte ajo nismëtarja e projektit të ‘dancit’, por Harabeli është marrë me organizimin.
“Shqetësimi tjetër i Klotildës lidhej me adresën e selisë së BYL-A, që s’duhet të dilte që ishte shtëpia e saj. Po ashtu, deklaruesja shpjegon se Klotilda i ka dhënë një dokument i cili shërbente për ndryshimin e adresës së qendrës BYL-A dhe i ka sugjeruar Inës të deklarojë që ka qenë neglizhencë e saj mosndryshimi i adresës”, thuhet në dosjen e SPAK.
Më pas, ka qenë Ajola Xoxa ajo që i ka marrë telefonin Ina Goxhajt për t’i parë bisedat dhe ishte djerë e shqetësuar për ato që thuheshin aty.
“Deklaruesja shprehet se është larguar nga ky takim, për të vijuar takimin me Klotildën në banesën e prindërve të saj. Po kështu, shpjegon se Klotilda i ka thënë se nuk duhej të përmendte emrin e Ajolës apo të tregonte se si kishin funksionuar gjërat. Shpjegon se Klotilda i ka kthyer telefonin A35 me qëllim që të kopjonte të dhënat e nevojshme dhe t’ia kthente sërish për asgjësim”, thotë SPAK në dosje.
Leave a Reply