Një person i tretë është arrestuar nga policia për vrasjen e 56-vjeçarit Anesti Rama në Fier, ngjarje e ndodhur tre ditë më parë.
I arrestuari është Çlirim Dogani 55 vjeç, banues në fshatin Arapaj të Roskovecit.
Burime nga fshati Suk, në Roskovec, bëjnë me dije se motra e Emalindës, e cila jeton aktualisht në Itali, ka lidhje të ngushta familjare në zonë. Ajo është e martuar dhe banon në Suk, ku herë pas here ka strehuar edhe motrën e saj në shtëpinë e familjes.
Motra e Emalindës punonte në serat e fermerëve të zonës, konkretisht në Suk 1, Suk 2 dhe Arapaj. Gjatë kësaj periudhe, ajo është njohur me Çlirimin, një shofer urbani që punon në linjën e zonës, dhe dyshohet se midis tyre ka lindur një lidhje dashurore.
Grupi hetimor ka dyshime të forta se vajza ka qenë në një lidhje intime me 55-vjeçarin, i cili ishte i martuar dhe baba i fëmijëve të rritur.
Më parë, Emalinda ka qenë e fejuar tre herë, por është ndarë për shkak të mosmarrëveshjeve me babanë, i cili nuk ishte dakord me lidhjet e saj.
Dyshohet se ajo vrau babanë, sepse e konsideronte pengesë për lidhjen e re që kishte me 55-vjeçarin.
Ndërkohë, Çlirim Dogani mohon të gjitha akuzat dhe pretendon se në momentin e ngjarjes ndodhej në fshatin e tij, larg vendit të krimit.
Hetimet vijojnë për të zbardhur plotësisht rrethanat e ngjarjes.
Leave a Reply