Qarkullimi i automjeteve në doganën e Qafë Botës, në kufirin Shqipëri–Greqi, është bllokuar që pas arrestimit të 14 doganierëve grekë në pikën kufitare të Mavromatit. Në këtë pikë hyrjeje ka pasur trafik dhe bllokim, duke sjellë radhë të gjata automjetesh çdo ditë, për ata që vijnë nga vendi fqinj për në vendin tonë. Radhët e gjata u regjistruan në orët e para pas mesdite.
Zyrtarët e arrestuar, të cilët ishin pjesë e strukturës doganore greke në Mavromati, dyshohet se janë përfshirë në skema të korrupsionit dhe kontrabandës. Pas ndërhyrjes së autoriteteve, ata janë zëvendësuar me punonjës të tjerë të sjellë nga pikat e tjera doganore të Kakavijës dhe Portit të Igumenicës.
Megjithatë, situata nuk është stabilizuar ende. Kontrollet në doganë janë shtuar, duke ndikuar në ritmin e përpunimit të mjeteve dhe udhëtarëve. Kjo ka sjellë vonesa të mëdha në kalimin e kufirit, sidomos gjatë orëve të pikut, ku udhëtarët presin për orë të tëra në temperatura të larta.
Leave a Reply