Gjatë konferencës ndërkombëtare “The Western Balkans Paradigm”, Kryetari i Partisë Demokratike, Sali Berisha, ka mbajtur një fjalim kritik ndaj situatës aktuale politike dhe kriminale në Shqipëri.
Ai ka ngritur shqetësime serioze lidhur me përfshirjen e grupeve kriminale në jetën politike dhe institucionale të vendit, duke e akuzuar drejtpërdrejt qeverinë e kryeministrit Rama për lidhje me kartelet e drogës dhe për kthimin e Shqipërisë në një qendër operative të krimit ndërkombëtar.
Ai gjithashtu ka kritikuar mënyrën sesi përjashtohen kompanitë evropiane nga prokurimet publike, duke e cilësuar këtë si një shkelje të marrëveshjeve ndërkombëtare.
PJESË NGA DEKLARATA:
Së treti, sipas Departamentit të Shtetit, qendra operacionale e organizatave kriminale të Europës, të Amerikës Latine dhe të Lindjes së Mesme është kthyer Shqipëria.
Shqipëria eksporton kriminelë dhe drogë.
Kartelet e drogës janë kaq të fuqishme sa ato e kanë në kontroll të plotë, portin më të madh të vendit, Durrësin.
Asnjë kg kokainë nuk kapet në këtë port, ndërkohë që antimafia italiane kap tonelata drogë dhe identifikon se tonelata të tjera kalojnë përmes Durrësit për të shkuar drejt Italisë apo Gjermanisë.
Karteli Çela kontrollon qarkullimin e heroinës nga vendet lindore, 70 përqind kalojnë përmes Elbasanit.
Elbasani është kryeqyteti i kartelit Çela dhe kontrollon të gjithë qarkullimin.
Tani cilat janë pasojat?
Në delegacionin e radhës në BE, në qoftë se këto kartele vendosin që përfaqësuesit e tyre të jenë pjesë e delegacioneve në Këshillin e Stabilizimit, në Këshillin e Europës dhe në agjencitë e tjera.
Pse? Sepse ato kanë qenë shumë aktivë gjatë zgjedhjeve.
Kandidatët e tyre kanë marrë shumicën e votave, njerëz tërësisht të panjohur, por ata caktojnë ministrat, caktojnë kandidatët për deputetë, caktojnë drejtorët e policisë sepse kanë lidhje të drejtpërdrejta dhe të forta me kryeministrin Edi Rama.
Personi që ju e shikoni nga jashtë si një xhentëlmen që bën disa gjeste shumë të bukura në samite, bën një jetë të dyfishtë.
Ai ka jetën e vet me kartelet, me trafikantët e drogës dhe me vrasës me të cilët takohet në zyrën e tij dhe gjithçka është e dokumentuar.
Tani, ne u jemi shumë mirënjohës PPE-së, partive simotra të qendrës e djathtë që kanë votuar 6 rezoluta brenda disa muajsh dhe thonë në thelb këtë që po u përcjell unë.
Dhe ju keni të drejtë kur thoni se cili është roli i politikanëve në një situatë të tillë.
Politikanët kanë për detyrë të ruajnë parimet, vlerat. T’i thonë të vërtetën shqiptarëve dhe komunitetit ndërkombëtar pavarësisht kërcënimeve dhe çmimit dhe të jenë shpresëplotë për një ndryshim në të ardhmen dhe për ndihmën e miqve.
Para një muaj, Agjencia Kombëtare e Prokurimit njoftoi me krenari se 96 përqind e prokurimeve bëhen nga shqiptarët. Në përkufizim në kundërshtim me MSA, kompanitë evropiane janë të përjashtuara.
Si përjashtohen? Përjashtohen përmes portalit e-Albania sepse u kërkohet të aplikojnë aty, e-Albania kërkon 38 ditë, kurse tenderat mbyllen për 34 ditë dhe jo 38 ditë.
Pra, më këtë situatë përballemi. Prandaj qendra Martens dhe PPE po ndihmojnë fuqishëm kundër! Qëndrimi ynë ndaj kësaj situate të tillë dramatike është mjaft i vështirë.
Mendoj se viti 2030 nuk është vit realist.
Kur shikon vendet, të cilat shkelin masivisht zgjedhjet, shkelin të drejtat e njeriut, po të shkosh në burgjet shqiptare, 70 përqind e të burgosurve janë në paraburgim, pra thjesht plasi aty.
Po të shikosh të drejtën e pronës dhe të drejtat e tjera, janë shkelje masive e të drejtave të njeriut.
Sikurse u thashë, nuk ekziston një ekonomi tregu konkurruese në këtë vend.
Kemi një narko-ekonomi dhe ekonomia e oligarkëve dhe klientëve.
Është thelbësore që ekonomia e tregut të bëhet konkurruese në këtë vend. Përndryshe miliarderët, sepse ata përdorin emra të rremë, do vijnë dhe do ngrenë kulla në kryeqytetet tuaja, do të blejnë influencë dhe gjithçka.
Shqipëria duhet të eliminojë narko-shtetin dhe narko-ekonominë dhe të bëhet një vend ku sundon ligji.
Shqipëria ka ligje shumë të mira, por asgjë nuk respektohet.
Kushtetuta, kur nuk i përshtatet vullnetit të kryeministrit, shkelet haptas.
Vendimet e Gjykatës Kushtetuese, kur nuk i përshtaten vullnetit të kryeministrit, nuk respektohen. Por kur vendimet e Gjykatës Kushtetuese nuk respektohen, nuk kemi më ligj, nuk kemi më shtet të së drejtës.
Respekti i plotë i ligjit, reformat duhet të zbatohen, por edhe të vlerësohen.
Shqipëria ka pasur një përvojë shumë të hidhur me reformën në drejtësi.
Do të lexoni dhe do të dëgjoni për suksesin e madh, që ka qenë një dështim i madh në fakt.
Pse? Pas 10 vitesh, me një vakum të madh që u krijua prej vetingut apo procesit të vlerësimit, ky vend tani ka 230 mijë dosje të cilat pritet të shqyrtohen.
Sipas ekspertëve do të duhen të paktën 20 vjet.
Pra, asnjë shqiptar aktualisht nuk ka mundësinë të ketë një proces të drejtë ligjor.
Nga ana tjetër, përveç këtyre reformave, kemi një prokurori të posaçme, pothuajse identike me kohën e diktaturës.
Pse? Sepse prokuroria e posaçme në shkelje të çdo parimi ka të drejtë të vendosë përgjime për cilido gjykatës që përdor dosjet dhe gjyqtari vendos që vendimin që do marrë do jetë siç do prokurori. Dhe kjo është publike.
Kemi nevojë për një vlerësim, kemi nevojë për mbështetje sepse është bërë herezi të flasësh për këtë.
Në Shqipëri ne kemi 3 udhëheqës të opozitës shqiptare të cilët janë ose në arrest shtëpie ose në paraburgim, por nuk ka asnjë fakt penal ndaj tyre, por vetëm me urdhër të kryeministrit.
Prej dy javësh ajo po merret me një prokurore të re që kishte zbatuar ligjin dhe jo vullnetin e kryeministrit. Dhe tani po bëhet luftë se si ta shkarkojnë dhe ta shajnë.
Këto reforma, të cilat i dhanë qeverisë kontrollin e gjyqësorit po shkatërrojnë vendin dhe janë shumë të dëmshme për demokracinë në Shqipëri.
Asnjë prokuror nuk duhet të kontrollojë gjyqtarin, gjyqtari duhet të ushtrojë kontrolle të tjera.
Nuk duhet të ketë konflikte interesi, sepse po të ketë, kjo nuk duhet të lejohet.
Pra, viti 2030 nuk është realist për integrimin, por rruga jonë nuk mund të ndryshojë.
Nuk kemi rrugë tjetër përveçse integrimit në BE të këtij rajoni.
Është një rajon i mrekullueshëm me një potencial të madh dhe mund të bëhet i begatë nëse mbizotëron shteti i së drejtës.
Leave a Reply