Prokuroria e Posaçme ka hapur një fraksion të ri hetimor që ka të bëjë me personat që informonin Jurgis Cyrbjan nëpërmjet të dhënave nga sistemi TIMS. Deri më tani 4 zyrtarë të zyrës Interpol kanë dhënë dëshmi në SPAK, e ndërsa kanë treguar për sistemin si dhe për mënyrën se si funksiononte
Katër zyrtarë policorë të zyrës së INTERPOLIT kanë qenë subjekt i SPAK-ut në marrjen e dëshmive të tyre në kuadër të dosjes së ish-deputetit të Partisë Socialiste, Jurgis Çyrbja.
Hetuesit kanë pasur interes të dinë se kush ishte furnizuesi me lajme “Top Sekret”, të cilët, sipas SPAK-ut, merreshin nga sistemi TIMS.Një prej tyre ka deklaruar para Prokurorisë së Posaçme se kompjuteri qëndronte i hapur 24 orë në 7 ditë të javës pasi oficeret hynin për të parë materialet e ardhura dhe printimet e tyre.
Në deklarimet e dhëna para agjentëve të BKH-së, zyrtarët e Interpol Tirana kanë lënë të kuptohet se të dhënat mund të jenë nxjerrë nga struktura të tjera të policisë, që njiheshin me këtë informacion sekret.
Deklarimet e zyrtarëve policorë tregojnë edhe një herë se sistemi TIMS nuk ka qenë në kushtet e duhura të sigurisë.
“E dija se kush ishte emri i përdoruesit dhe i fjalëkalimit të këtij kompjuteri, pasi ishte i vendosur i shfaqur në një tabelë, por nuk isha unë e vetme që e dija këtë pasi edhe specialistët koordinatorë dhe operatorët 24/7 e dispononin”, tregon zyrtari policor.
Për të zbuluar informatorin, Prokuroria e Posaçme ka ndarë një fraksion të dosjes ku do të kryejë një sërë veprimesh hetimore.
Leave a Reply