Ata kanë marrë makina me qira në Rinas dhe Yzberisht disa ditë para kryerjes së krimit dhe i kanë ndërruar makinat disa herë për të humbur gjurmët.
Detaje të reja janë zbardhur për vrasjen e 23-vjeçarit Renis Dobra në Mat. Raportohet se tre vëllezërit Kristi, Fatjon dhe Aleksandër Bushgjokaj nga Tropoja të cilët jetonin në Kamëz dhe Petrit Çakrri kanë përdorur makina me qira për të kryer krimin.
Sipas uniformave blu, ata kanë marrë makina me qira në Rinas dhe Yzberisht disa ditë para kryerjes së krimit dhe i kanë ndërruar makinat disa herë për të humbur gjurmët.
Ndërkohë, për 3 ditë me radhë, ata kanë vëzhguar lëvizjet e viktimës Renis Dobra në Burrel, deri mbrëmjen e 8 korrikut kur e kanë marrë peng dhe pasi e kanë mbytur me litar, kanë tentuar ta hedhin në liqenin e Shkopetit.
Njëri prej vëllezërve Bushgjokaj akuzohet për “përkrahje të autorit të krimit”, pasi rezulton se ka dërguar në Kosovë dy vëllezërit e tij. Ndërsa këta të fundit akuzohen se kanë bashkëpunuar në kryerjen e krimit.
Mësohet se ata kanë tentuar të heqin disa herë GPS-in e makinave me qira, por nuk ia kanë arritur.
Dyshimi i parë i policisë është se autorët kanë patur konflikt të drejtpërdrejtë me Dobrën, por nuk përjashtohet mundësia ta kenë bërë për llogari edhe të personave të tjerë.
Të arrestuarit e sotëm janë Fatjon Bushgjokaj dhe Petrit Çakri, ndërsa janë shpallur në kërkim Kristi dhe Aleksandër Busgjokaj. Mes të shoqëruarve në polici është edhe një vajzë e cila ka qenë në praninë e Fatjon Busgjokës kur ky i fundit u arrestua. Nuk dihet ende nëse e shoqëruara ka dijeni për krimin e rëndë.
Motivi i krimit të rëndë?
Sipas informacioneve paraprake, dyshohet se gjithçka ka nisur në Gjermani, atje ku 23 vjeçari ka jetuar për disa kohë dhe mund të jetë përfshirë në punë të paligjshme.
Babai i 23 vjeçarit, Rifat Dobra, ka deklaruar se djali i kishte shprehur shqetësimin se e kishin kërcënuar sepse gjatë kohës që punonte atje si shpërndarës i kishte humbur një sasi droge. Kjo pasi Çakri dhe tre vëllezërit mendonin se i riu nga fshati Zenisht i Matit ju kishte fshehur një sasi droge.
Në vendin tonë, 23-vjeçari i cili u mbyt tragjikisht me litar nuk rezulton me precedent të theksuar kriminal, por ka qenë i dyshuar dhe ishte hetuar për vjedhje banesash.
Leave a Reply