Kryeministri i Polonisë, Donald Tusk tha se nuk shpejt mund të kemi armëpushim. Ai u shpreh se, pas një bisede me presidentin ukrainas Volodymyr Zelenskyy, beson që konflikti ushtarak Rusi-Ukrainë do të ndalojë.
“Ka disa sinjale dhe një ndjesi personale, që ndoshta do të kemi një ‘ngrirje’ të konfliktit. Nuk dua të them se lufta do të marrë fund, por një ‘ngrirje’ e situatës mund të ndodhë më shpejt nga sa mendohej”, tha Tusk për mediat.
Sipas kryeministrit Tusk, edhe Presidenti ukrainas është optimist për një armëpushim. Ai shtoi se edhe ne jemi shumë të interesuar, pasi paqja në rajon do të ndikonte drejtpërdrejt në sigurinë tonë.
“Ka një shpresë për këtë. Sot është afati i një ultimatumi. Presidenti Zelenskyy është shumë i kujdesshëm, por gjithsesi optimist. Pala ukrainase ka një interes të madh që Evropa, përfshirë Poloninë, të jetë pjesë aktive në formësimin e një armëpushimi të mundshëm dhe më pas të paqes. Edhe ne jemi shumë të interesuar për këtë, sepse paqja në rajon do të ndikonte drejtpërdrejt në sigurinë tonë”, u shpreh ai.
Deklarata e Tusk vjen në një moment të tensionuar për rajonin, ndërsa vëmendja ndërkombëtare po fokusohet gjithnjë e më shumë në mundësitë për një zgjidhje diplomatike të konfliktit Rusi-Ukrainë.
Leave a Reply