Operacioni ka nisur mëngjesin e sotëm ndërsa emrat e të dyshuarve kanë dalë në aplikacionin “Sky Ecc” të cilët kryenin trafik ndërkombëtar.
Prokuroria e Posaçme, SPAK po zhvillon sot një operacion antidrogë në Tiranë, Elbasan dhe Durrës.
Mësohet se janë firmosur 15 masa sigurie. Personat e dyshuar kanë dalë në përgjimet e Sky Ecc dhe dyshohet se janë pjesë e një grupi ndërkombëtar të trafikut të kokainës.
Sipas informacioneve të para, grupi kriminal i goditur nga SPAK trafikonte lëndë narkotike nga vendet e Amerikës Latine drejt Evropës.
Dy prej emrave të përfshirë në trafikun ndërkombëtar të kokainës janë Franc Çopja, i arrestuar në Belgjikë dhe Ervis Çela, i arrestuar një muaj më parë me akuzën e vrasjes.
Emrat e të dyshuarve kanë dalë në aplikacionin Sky Ecc dhe 4 prej tyre iu është komunikuar masa e sigurisë në burg, ku ndodhen për një dosje tjetër. Një nga 4 nga të dyshuarit është edhe E. C, i cili ndodhet aktualisht në qeli.
Në operacionin e nisur këtë mëngjes, u arrestuan 3 prej personave për të cilët u lëshua masë sigurie. Ndërsa mësohet se 4 të tjerë janë në kërkim.
Sipas informacioneve, hetimi kryesohet nga prokurori i posaçëm Vladimir Mara.
Leave a Reply