Bashkë me Kryeministrin, Kumbaro në rolin e “kumbarës”, vazhdon e dhuron sipërfaqe toke shtetërore “piçka të vogla”, për pallate, kulla dhe resorte në zona të mbrojtura e bregdetare…
Nga grupi i Ilir Beqjes, u arrestua vetëm ai dhe menaxheri Ermal Kurtulaj, për korrupsion e fatura fiktive me tenderët, nëpërmjet kalimit të fondeve në llogaritë e restorantit të tij “Gzona”.
SPAK hetoi dhe vërtetoi, që pjesë e grupit “Beqja” ishtë edhe komiku Ermal Mamaqi, por me një vendim absurd e nxori pa përgjegjësi penale, duke pushuar çështjen për të.
Ndërsa Ministren e Turizëm-Mjedisit, Mirela Kumbaro, SPAK nuk e futi në dosjen hetimore, megjithëse doli e përfshirë në aferat me falsifikimet dhe përfitimet financiare me Ilir Beqjen.
Në hetimin që bënë agjentët BKH-së, ministrja Mirela Kumbaro rezultoi me prova, si bashkëpunëtore në vjedhjen e fondeve të BE e fondeve të shtetit, ndërsa në materialin hetimor përfundimtar që SPAK dorëzoi në Gjykatën e Posaçme, emri i saj ishte hequr.
Një nga provat që hoqi SPAK-u për ministren Kumbaro
Paralelisht me Ilir Beqjen e në ujdi me të, për të njëjtin aktivitet zyrtar në restorantin e tij dhe me të njëjtën firmë private “Landways International”, ministrja e Turizëm-Mjedisit, Mirela Kumbaro, bëri pagesa me tender fiktiv, për aktivitetin e financuar nga Drejtoria e Donacioneve.
BKH e SPAK skeduan si provë penale, faktin që më 10 mars 2023, ministrja Mirela Kumbaro, zhvilloi tenderin fiktiv 462 mijë Euro, për të njëjtin aktivitet që financoi drejtoria e Ilir Beqjes.
Ndërsa më 23 mars 2023, Kumbaro lidhi kontratën me të njëjtën firmë “Landways International” dhe nëpërmjet saj me restorantin e Ilir Beqjes, duke ia dhënë 100% të vlerës së fondit limit.
Sipas dosjes hetimore, që BKH dorëzoi në SPAK, rezultoi se nga tenderi i Mirela Kumbaros, “de-facto” u shpenzuan 130 mijë Euro, ndërsa në dokumente, ajo deklaroi shpenzime 462 mijë Euro, ose 332 mijë Euro më tepër se Ilir Beqja për të njëjtin aktivitet “FESTA”.
Djali i Kumbaros, “specialist” i fondeve në drejtorinë e Ilir Beqjes
Gjatë hetimit, BKH zbuloi edhe faktin, që Tom Furxhi, djali i Mirela Kumbaro (Furxhi), në korrik 2023 u emërua Shef i Kontaktit për Donatorët e Huaj, te Agjencia që drejtonte Ilir Beqja.
Në këtë detyrë, punët e djalit të Kumbaros, u lidhën me tenderët që bënte Ilir Beqja me fondet e BE, të cilat i çonte te restoranti i tij “Gzona”, madje dhe me tenderë paralel, që bënte e ëma, në emër të Ministrisë së Turizëm-Mjedisit, në bashkëveprim me Ilir Beqjen.
Por djali i Mirela Kumbaros u largua, pasi filloi hetimi te Agjencia e Ilir Beqjes, siç kuptohet, e njofuar nga miqtë e saj në SPAK apo BKH, duke lënë jashtë dosjes hetimore nënë e bir.
Për të evituar pasojën penale të firmave të hedhura, djalit të ministres iu bënë letrat false, sikur te drejtoria e Ilir Beqjes, ishte i punësuar “Praktikant Veror”, kur drejtoria nuk është as hotel e as restorant.
Brenda 24 orëve nga largimi prej asaj detyre, më 1 shtator 2023, Mirela Kumbaro e dërgoi të birin, si “stazhier të qeverisë shqiptare”, specialist marrëdhëniesh ndërkombëtare për siguri evropiane e diplomaci te qendra “GLOBSEC” në Bruksel, ku qëndroi deri në dhjetor 2023.
Pas arrestimit të Ilir Beqjes, bashkëpunëtorët e tij nënë e bir, falë makinacioneve të shefave të SPAK me dosjen penale, janë të qetë e të lirë: Kumbaro bashkë me kryeministrin e saj, vazhdon dhuron sipërfaqe toke “piçka të vogla” për vila, pallate kulla e resorte në zonat e mbrojtura dhe bregdetare, ndërsa i biri jeton në Paris, ku shijon milionat e pazareve të mamit ministre./
Leave a Reply